سوشل میڈیا پر شہرت پانے والی معروف اداکارہ اور انفلوئنسر دانانیر مبین ان دنوں اپنی والدہ کے ہمراہ تھائی لینڈ کے حسین مناظر سے لطف اندوز ہو رہی ہیں۔ اداکارہ نے اپنی چھٹیاں یادگار بنانے کے ساتھ ساتھ مداحوں کو بھی اپنے خوشگوار لمحوں میں شریک کر دیا۔
دانانیر نے اپنے سوشل میڈیا اکاؤنٹس پر مختلف تصاویر شیئر کیں جن میں وہ تھائی لینڈ کے ساحلوں، بازاروں اور دیگر سیاحتی مقامات پر والدہ کے ساتھ خوشگوار موڈ میں دکھائی دے رہی ہیں۔ وہ ہلکے پھلکے اور موسم کے مطابق پہناوے میں نہایت باوقار انداز میں نظر آئیں۔
"پاوری ہو رہی ہے” سے شہرت حاصل کرنے والی دانانیر نے بہت کم وقت میں نہ صرف سوشل میڈیا پر بلکہ ڈرامہ انڈسٹری میں بھی اپنی پہچان بنائی ہے۔ ان کی پوسٹس کو مداحوں کی جانب سے خوب پذیرائی حاصل ہوئی اور والدہ کے ساتھ ان کے محبت بھرے لمحات کو سراہا گیا۔
دانانیر مبین اپنے فنی سفر کے ساتھ ساتھ لائف اسٹائل اور سفر کی جھلکیاں بھی باقاعدگی سے اپنے چاہنے والوں کے ساتھ شیئر کرتی ہیں، جو ان کی مقبولیت میں مزید اضافہ کرتی ہیں۔
