وزیر داخلہ محسن نقوی نے کہا ہے کہ زائرین کو اس سال بذریعہ سڑک ایران و عراق جانے کی اجازت نہیں ہو گی۔
سماجی رابطے کی ویب سائٹ ’ایکس‘ پر اپنے پیغام میں محسن نقوی کا کہنا تھا کہ زیارت اربعین کے لیے عراق و ایران کے فضائی سفر کی اجازت ہو گی۔
انہوں نےکہا کہ یہ فیصلہ وزارت خارجہ، بلوچستان حکومت اور سکیورٹی اداروں کی باہمی مشاورت کے بعد کیا گیا ہے، یہ فیصلہ عوام کے تحفط اور قومی سلامتی کے پیش نظر کیا گیا ہے۔
وزیر داخلہ نے بتایا کہ وزیراعظم نے زائرین کے لیے پروازوں کی تعداد بڑھانے کی ہدایت کی ہے، پروازوں میں اضافہ کرکے زائرین کو زیادہ سہولت فراہم کی جائے گی۔
