لاہور: دسمبر 2025 کے تازہ ماحولیاتی اعداد و شمار کے مطابق لاہور کی فضائی آلودگی میں گزشتہ برس کے مقابلے میں نمایاں بہتری دیکھنے میں آئی ہے، جہاں شدید اسموگ کی سطح میں 56 فیصد تک کمی ریکارڈ کی گئی۔ ماہرین کے مطابق یہ حالیہ برسوں میں فضائی معیار کی سب سے حوصلہ افزا پیش رفت ہے۔
اعداد و شمار کے مطابق نومبر 2025 میں PM2.5 کی بلند ترین سطح 237 مائیکروگرام فی مکعب میٹر ریکارڈ کی گئی، جبکہ نومبر 2024 میں یہ خطرناک حد 539 مائیکروگرام تک پہنچ چکی تھی۔ سب سے اہم بات یہ ہے کہ اس سال لاہور میں ایک بھی دن ایئر کوالٹی انڈیکس 300 سے اوپر نہیں گیا، جس سے شہر “انتہائی خطرناک” کیٹیگری میں جانے سے محفوظ رہا۔
ماہانہ اوسط آلودگی میں بھی واضح کمی دیکھی گئی۔ نومبر 2025 میں اوسط PM2.5 کی سطح 181 مائیکروگرام رہی، جو گزشتہ برس کے مقابلے میں 37 فیصد کم ہے۔ ماحولیاتی ماہرین کے مطابق لاہور مسلسل خطرناک اسموگ کی لپیٹ میں آنے سے بالکل بچ گیا، جو گزشتہ سال شہر کی معمولاتِ زندگی کو مفلوج کر چکی تھی۔
سال 2025 کے مجموعی اعداد و شمار بھی بہتری کی نشاندہی کرتے ہیں۔ رواں سال PM2.5 کی اوسط سطح 83.7 مائیکروگرام رہی، جبکہ 2024 میں یہی سطح 99.2 مائیکروگرام تھی، یعنی 15.6 فیصد کمی ریکارڈ کی گئی۔ حکام کے مطابق سال کا آغاز نسبتاً صاف فضا سے ہوا اور اس بار سردیوں میں اسموگ
