دنیا بھر میں مقبول نیٹ فلیکس سیریز اسٹرینجر تھنگز کا انتظار ختم ہوگیا، کیونکہ اس کے آخری سیزن کے پہلے حصے کی ریلیز آج ہونے جارہی ہے۔ مداح کئی ماہ سے اس سیزن کا انتظار کر رہے تھے، خاص طور پر اس کے بعد کہ پچھلا سیزن ایک بڑے سنسنی خیز موڑ پر ختم ہوا تھا۔
نیا سیزن کہانی کو وہیں سے آگے بڑھاتا ہے جہاں سیزن 4 ختم ہوا تھا، اور کردار ایک فیصلہ کن لڑائی کا سامنا کرنے کی تیاری میں ہیں۔ رپورٹس کے مطابق نیٹ فلیکس نے اس سیزن پر ریکارڈ بجٹ خرچ کیا ہے، جس کے باعث اسے اب تک کا سب سے بڑا اور پُرتجسس باب قرار دیا جارہا ہے۔
ریلیز کے ساتھ ہی سوشل میڈیا پر مداحوں کی خوشی اور جوش عروج پر پہنچ گیا ہے، جبکہ بہت سے ناظرین جذباتی مناظر، بڑے ٹوئسٹ اور اہم انکشافات کی توقع کر رہے ہیں۔ سیزن کا دوسرا حصہ رواں سال کے آخر میں پیش کیے جانے کا امکان ہے، جو سیریز کا باضابطہ اختتام ہوگا۔
