پاکستان کی معروف فلم اور ٹی وی اسٹار ہانیہ عامر نے آئی ایم ڈی بی (IMDb) کی دنیا کی خوبصورت ترین اداکاراؤں 2025 کی باوقار فہرست میں جگہ بنا کر ملک کا نام عالمی سطح پر روشن کردیا۔
یہ سالانہ فہرست، جو انٹرنیٹ مووی ڈیٹا بیس (IMDb) جاری کرتا ہے، خوبصورتی، فن، اور عالمی اثر و رسوخ کو سراہتی ہے اور اس میں امریکا، بھارت، چین، پاکستان سمیت دنیا کے مختلف ممالک کی صفِ اول کی اداکاراؤں کو شامل کیا گیا ہے۔
اس سال کی فہرست میں صرف ظاہری خوبصورتی ہی نہیں بلکہ اداکاری کے ہنر، کیریئر کی کامیابیوں، عوامی مقبولیت اور اثر و رسوخ کو بھی مدنظر رکھا گیا ہے۔ اس میں شامل ہر اداکارہ نے اپنے کام اور شخصیت سے لاکھوں مداحوں کو متاثر کیا ہے۔
امریکی اداکارہ مکینا گریس فہرست میں پہلے نمبر پر ہیں، جبکہ دوسرے نمبر پر جولیابٹرز ہیں۔ ہانیہ عامر تیسرے نمبر پر رہیں، جو عالمی سطح پر خوبصورتی اور فن کی نمایاں ترین شخصیات میں سے ایک بن گئی ہیں۔ اپنی دلکش شخصیت، جاندار اسکرین موجودگی اور اردو فلموں و ڈراموں میں شاندار پرفارمنس کی بدولت ہانیہ کو ملک اور بیرونِ ملک مداحوں کی بھرپور محبت حاصل ہے۔
بھارتی اداکارہ کریتی سینن پہلی بار فہرست میں شامل ہو کر چوتھے نمبر پر آئی ہیں، جبکہ چین کی دلربا دل مراد چھٹے نمبر پر رہیں۔ دیگر عالمی پسندیدہ شخصیات میں شیلیین ووڈلی، مارگوٹ روبی، آنا دے آرماس اور ایما واٹسن شامل ہیں۔
دنیا کی 10 خوبصورت ترین اداکارائیں 2025 (IMDb):
-
مکینا گریس – امریکہ
-
جولیابٹرز – امریکہ
-
ہانیہ عامر – پاکستان
-
کریتی سینن – بھارت
-
نینسی مکڈونی – امریکہ/جنوبی کوریا
-
دلربا دل مراد – چین
-
شیلیین ووڈلی – امریکہ
-
مارگوٹ روبی – آسٹریلیا
-
آنا دے آرماس – کیوبا/اسپین
-
ایما واٹسن – برطانیہ
