ایشیا کپ 2025 کا آغاز دبئی میں ہوچکا ہے، جبکہ 14 ستمبر کو ہونے والے پاک بھارت میچ کے ٹکٹس اب بھی دستیاب ہیں، پریمیم انکلوژر کے زیادہ تر ٹکٹس تاحال فروخت نہیں ہوسکے اور فروخت بھی سست روی کا شکار ہے۔
رپورٹس کے مطابق پاک بھارت میچ کے ٹکٹس کی مانگ توقعات سے کم ہے جس کے باعث انتظامیہ نے پاک بھارت میچ کے ٹکٹس کی قیمت کم کردی ہے۔
پاک بھارت میچ کے ٹکٹ کی قیمت 475 درہم سے کم کر کے 350 درہم کر دی گئی ہے، شائقین کرکٹ نے مہنگے ٹکٹس کا شکوہ کیا تھا۔ پاکستان اور بھارت کے درمیان طوفانی میچ 14 ستمبر کو ہوگا۔
