وزیر خارجہ اسحاق ڈار نے خبردار کیا ہے کہ اگر آئندہ پاک-بھارت مذاکرات میں پانی کا دیرینہ مسئلہ حل نہ ہوا تو دونوں ممالک کے درمیان سیزفائر کو شدید خطرہ لاحق ہو سکتا ہے۔
امریکی نشریاتی ادارے سی این این کو انٹرویو دیتے ہوئے اسحاق ڈار نے کہا کہ "پانی کے مسئلے کا حل نہ ہونا جنگ کے مترادف ہوگا۔” انہوں نے کہا کہ یہ معاملہ پاکستان کی سلامتی کے لیے نہایت اہم ہے اور فوری حل کا متقاضی ہے۔
وزیر خارجہ نے ایک بار پھر اس موقف کو دہرایا کہ خطے میں کشیدگی کی بنیادی وجہ مسئلہ کشمیر ہے۔ ان کا کہنا تھا کہ "خطے میں عدم استحکام کی جڑ کشمیر ہے،” اور اس کے عوام کو اپنے مستقبل کا فیصلہ خود کرنے کا حق دیا جانا چاہیے۔
