ڈسٹرکٹ پولیس آفیسر (ڈی پی او) سیالکوٹ فیصل شہزاد نے تحصیل ڈسکہ کے مختلف علاقوں میں کھلی کچہریوں کا انعقاد کیا، جہاں شہریوں نے اپنے مسائل ان کے سامنے پیش کیے اور ڈی پی او نے ان کے فوری ازالے کے احکامات جاری کیے۔
سیالکوٹ پولیس کے ترجمان کے مطابق، ڈی پی او فیصل شہزاد نے ہلٹن میرج ہال پیرس روڈ (تھانہ سول لائن)، ضلع کونسل ہال قلعہ (تھانہ کوتوالی)، دعوت میرج ہال کمیلہ روڈ (تھانہ رنگپورہ) اور جناح ایفیشینسی سکول کینٹ (تھانہ کینٹ) میں کھلی کچہریوں کا انعقاد کیا۔ ان کھلی کچہریوں میں لوگوں کی بڑی تعداد نے شرکت کی۔
کھلی کچہری کے دوران ڈی پی او فیصل شہزاد نے لوگوں کے مسائل سنے اور متعلقہ ایس ایچ اوز کو فوری انصاف کی فراہمی کے احکامات جاری کیے۔ انہوں نے ایس ایچ اوز کو رپورٹ جلد از جلد جمع کرانے کی ہدایات بھی دیں۔
