نومبر 3، 2025
ویب ڈیسک
الاقصیٰ مسجد کے قریب اصراعیلی کھدائیوں کا سلسلہ ایک بار پھر خطے میں تشویش اور غم و غصے کا باعث بن گیا ہے۔ ماہرین کا کہنا ہے کہ ان سرگرمیوں سے مسجد کی بنیادوں کو نقصان پہنچنے کا خدشہ ہے، جو اس تاریخی اور مقدس مقام کے لیے خطرناک ثابت ہو سکتا ہے۔
اقوامِ متحدہ اور یونیسکو سمیت بین الاقوامی اداروں نے اصراعیل کے ان اقدامات پر گہری تشویش کا اظہار کیا ہے اور خبردار کیا ہے کہ ایسے کام سے مسجد کی ساخت کو نقصان پہنچ سکتا ہے۔ تاہم، عالمی دباؤ کے باوجود اصراعیلی ادارے کھدائیوں کا سلسلہ جاری رکھے ہوئے ہیں۔
یہ تنازعہ تاریخی اور مذہبی حساسیت رکھتا ہے، کیونکہ یہ وہی مقام ہے جسے مسلمان "حرم الشریف” اور یہودی "ٹیمپل ماؤنٹ” کے نام سے جانتے ہیں۔ مبصرین کا کہنا ہے کہ اس طرح کی سرگرمیاں نہ صرف خطے میں مزید کشیدگی کو ہوا دے سکتی ہیں بلکہ امن کے عمل کو بھی شدید متاثر کر سکتی ہیں۔
