کراچی: پاکستانی اداکارہ اشنا شاہ کے ہاں پہلے بچے کی پیدائش ہوئی ہے اور انہوں نے بیٹے کی ماں بننے کا اعلان کردیا ہے۔
اداکارہ نے سوشل میڈیا پر اپنے نومولود بیٹے کی تصویر شیئر کی، تاہم بچے کا چہرہ ظاہر نہیں کیا۔ اشنا شاہ نے اپنے بیٹے کو پیار سے ”ننھا شیر“ قرار دیتے ہوئے کہا کہ وہ پہلے ہی ان کی دنیا پر راج کر رہا ہے۔
انہوں نے بتایا کہ بچے کا روزمرہ معمول فی الحال کھانا، سونا اور یہی سلسلہ دوبارہ جاری رکھنا ہے۔
اشنا شاہ کی جانب سے بیٹے کی پیدائش کے اعلان کے بعد ساتھی اداکاروں، شوبز شخصیات اور مداحوں نے انہیں مبارکباد دی اور نومولود کے لیے نیک خواہشات کا اظہار کیا۔
اشنا شاہ کو ’بالا‘ سمیت کئی مقبول ڈراموں میں اداکاری کے لیے جانا جاتا ہے۔
اداکارہ کی شادی پاکستانی گالفر حمزہ امین سے ہوئی ہے، جو ویانا میں مقیم ہیں۔ اشنا شاہ نے مئی 2026 میں اپنی حمل کی خبر کا اعلان کیا تھا۔
اشنا شاہ کے انسٹاگرام پر 23 لاکھ سے زائد فالوورز ہیں۔
