سینئر اداکار نعمان اعجاز نے عید کی تیاریوں پر ایک دلچسپ اور حقیقت پر مبنی جملہ کہہ کر سوشل میڈیا پر قہقہے بکھیر دیے۔
ان کا کہنا تھا:
“قصائی بڑی عید کے درزی ہوتے ہیں، اور درزی چھوٹی عید کے قصائی، جبکہ نائی دونوں عیدوں پر قصائی ہی رہتے ہیں!”
یہ فقرہ دیکھتے ہی دیکھتے وائرل ہو گیا اور صارفین نے اسے مزاحیہ بھی قرار دیا اور حقیقت سے بھرپور بھی۔ ہر عید پر درزی، قصائی اور نائیوں کی مصروفیت اور گاہکوں کی بے صبری سب کچھ اس ایک جملے میں سمو دیا گیا۔
یہ قول ایک ہنسی چھوٹوانے والی یاد دہانی بھی ہے کہ اگر ہم تھوڑا سا صبر اور وقت کی پابندی کریں تو عید کی بھاگ دوڑ میں سب کے لیے آسانی پیدا ہو سکتی ہے۔
مداحوں نے نعمان اعجاز کے مخصوص اندازِ مزاح کو خوب سراہا، جو معاشرتی پہلوؤں کو ہنسی کے پیرائے میں بیان کر جاتا ہے۔
