پاکستان کے اولمپک طلائی تمغہ یافتہ ایتھلیٹ ارشد ندیم کو محمد بن راشد المکتوم گلوبل اسپورٹس ایوارڈ کے لیے چُن لیا گیا ہے۔ وہ یہ اعزاز دبئی میں منعقد ہونے والی پہلی عالمی اسپورٹس سمٹ کے دوران حاصل کریں گے۔
یہ دو روزہ ورلڈ اسپورٹس سمٹ 29 اور 30 دسمبر کو دبئی میں ہوگی، جس میں دنیا بھر کی بڑی اسپورٹس شخصیات اور عالمی شہرت یافتہ کھلاڑی شرکت کریں گے۔
ارشد ندیم سمٹ میں پاکستان کی واحد نمائندہ اسپورٹس شخصیت ہوں گے۔ تقریب کے دوران انہیں خصوصی طور پر محمد بن راشد المکتوم گلوبل اسپورٹس ایوارڈ سے نوازا جائے گا۔
اولمپک چیمپئن 28 دسمبر کو دبئی روانہ ہوں گے تاکہ وہ ایوارڈ تقریب اور سمٹ میں شرکت کر سکیں۔
