لیڈی ولنگڈن اسپتال ویڈیو کیس میں ایم ایس اور ہیڈ آف ڈیپارٹمنٹ کو بھی معطل کر دیا گیا۔
ویمن میڈیکل آفیسر اور 5 پی جی آرز پہلے ہی معطل ہیں جنہیں ہیڈ کوارٹرز رپورٹ کرنے کی ہدایت کی گئی ہے، 2 نرسز اور ایک کارکن کو بھی معطل کیا گیا ہے۔
سیکرٹری اسپیشلائزڈ ہیلتھ کیئر نے ایم ایس ڈاکٹر فرح انعام کو معطل کر کے ڈیپارٹمنٹ رپورٹ کرنے کی ہدایت کر دی۔
محکمہ صحت کی طرف سے ہیڈ آف ڈیپارٹمنٹ ڈاکٹر عظمیٰ کو بھی اسپیشلائزڈ ہیلتھ کیئر اینڈ میڈیکل ایجوکیشن رپورٹ کرنے کی ہدایت کی گئی ہے۔
ویمن میڈیکل آفیسر اقرا حفیظ کو ہیلتھ اینڈ پاپولیشن ڈیپارٹمنٹ رپورٹ کرنے کا حکم دے دیا گیا۔ چارج نرس اقرا زاہد، فوزیہ رشید اور اسٹاف حسیب الرؤف کو بھی معطل کر کے محکمہ میں رپورٹ کرنے کی ہدایت کی گئی ہے۔
واضح رہے کہ لیڈی ولنگڈن اسپتال میں دوران آپریشن مبینہ طور پر مریضوں کی ویڈیو بنا کر شیئر کی گئی تھی۔
