پاکستان کرکٹ کے لیے نومبر کا مہینہ غیر معمولی کامیابیوں سے بھرا رہا، جہاں مختلف پاکستانی ٹیموں نے میدان میں اپنی مکمل برتری دکھائی۔
پاکستان کرکٹ بورڈ (پی سی بی) کے مطابق، یہ نومبر پاکستانی کرکٹ کی تاریخ میں نمایاں مقام رکھتا ہے، اور امید ہے کہ قومی پرچم آئندہ بھی اسی طرح سربلند رہے گا۔
نومبر کے دوران پاکستان نے جنوبی افریقہ کے خلاف ٹی ٹوئنٹی سیریز جیتی، جبکہ فیصل آباد میں کھیلی گئی ون ڈے سیریز میں بھی پروٹیز کو شکست دی۔
اسی ماہ 9 نومبر کو پاکستان نے ہانگ کانگ سکسز کا ٹائٹل اپنے نام کیا، اور راولپنڈی میں ہونے والی ون ڈے سیریز میں سری لنکا کو مات دی۔
مزید یہ کہ دوحہ میں پاکستان شاہینز نے ایشیا کپ رائزنگ اسٹارز کی ٹرافی اپنے نام کی، اور گزشتہ روز پاکستان نے ٹی ٹوئنٹی ٹرائی سیریز جیت کر ایک اور اعزاز سمیٹا۔
