پاکستان وائٹ بال کرکٹ ٹیم کے ہیڈ کوچ مائیک ہیسن چھٹیاں منانے اپنے ملک نیوزی لینڈ واپس چلے گئے ہیں۔
لاہور سے روانگی سے قبل سوشل میڈیا پر جاری کردہ پیغام میں مائیک ہیسن نے کہا کہ "چہرے پر تھکن ضرور ہے لیکن دل سے خوش ہوں۔”
انہوں نے مزید لکھا کہ وہ گھر واپسی کے طویل سفر پر ہیں اور اپنی فیملی کو بہت یاد کر رہے ہیں، اس لیے چند ہفتوں کی بریک وہ اپنے گھر نیوزی لینڈ میں گزاریں گے۔
مائیک ہیسن کا کہنا تھا کہ سیزن کا اختتام کامیابی کے ساتھ ہونا میرے لیے بہت اطمینان کی بات ہے، کھلاڑیوں نے شاندار کارکردگی دکھائی۔
یہ بھی واضح رہے کہ آئندہ کچھ ہفتوں میں پاکستان وائٹ بال ٹیم کی کوئی سیریز شیڈول نہیں۔
پاکستان ٹی ٹوئنٹی اسکواڈ جنوری کے پہلے ہفتے میں سری لنکا میں تین میچ کھیلنے جائے گا۔
اس کے علاوہ آسٹریلوی ٹی ٹوئنٹی ٹیم جنوری کے آخری ہفتے میں پاکستان کا دورہ کرے گی، اور آسٹریلیا کے خلاف ہوم سیریز کے بعد پاکستان ٹیم ٹی ٹوئنٹی ورلڈ کپ کے لیے سری لنکا روانہ ہوگی۔
