شہر کراچی میں شدید مون سون بارشوں کی پیش گوئی کے پیشِ نظر طوفانی بارشوں کا الرٹ جاری کر دیا گیا ہے اور تمام پیشگی انتظامات مکمل کر لیے گئے ہیں۔ تفصیلات کے مطابق مون سون کی آمد کے ساتھ ہی کراچی میں شدید بارشوں کی توقع کی جا رہی ہے۔
اس سلسلے میں کراچی پورٹ ٹرسٹ (کے پی ٹی) کی جانب سے ہائی الرٹ جاری کیا گیا ہے تاکہ پورٹ پر موجود جہازوں کی حفاظت کو یقینی بنایا جا سکے۔ الرٹ کے تحت جہازوں کو محفوظ طریقے سے برتھنگ کرائی جائے گی اور پورٹ پر جہازوں کی مسلسل نگرانی کی جائے گی۔
کے پی ٹی کے حکام کے مطابق مورنگ لائنز کی سیٹنگ مکمل کر لی گئی ہے اور ٹگس کے ذریعے فوری مدد کی فراہمی کو ممکن بنا دیا گیا ہے۔ مزید برآں، اسٹینڈ بائی ہائی پائلٹ کی سہولت بھی فراہم کر دی گئی ہے تاکہ سخت موسم میں جہازوں کی گہرے سمندر میں روانگی ممکن بنائی جا سکے۔
اس کے علاوہ چھوٹی بوٹس کو ایسے مقامات پر برتھنگ کرائی جائے گی جہاں ہوا کا دباؤ اور سمندری پانی کا پریشر کم ہو، اور تمام ڈریجرز اور بارجز کو بھی باندھنے کے انتظامات مکمل کر لیے گئے ہیں۔
