سڈنی: سڈنی سکسیرز نے اپنے اہم غیر ملکی کھلاڑی، سابق پاکستانی کپتان بابر اعظم کے لیے بگ بیش لیگ سیزن 15 سے پہلے ایک منفرد جرسی نمبر متعارف کروا دیا ہے۔ سابق پاکستانی کپتان، جو اس ہفتے سڈنی پہنچے تاکہ بی بی ایل میں حصہ لیں، وہ نمبر 056 پہنیں گے، جو ان کے روایتی 56 نمبر کا ایک تخلیقی انداز ہے۔
فراچائز نے یہ اعلان اپنے سوشل میڈیا پلیٹ فارمز پر تصاویر کے ساتھ کیا، جن میں بابر اعظم سڈنی کرکٹ گراؤنڈ (SCG) میں اپنی نئی جرسی کے ساتھ نظر آئے۔ یہ تبدیلی اس لیے کی گئی کیونکہ سکسیرز کے اہم کھلاڑی مچل اسٹارک نے روایتی 56 نمبر برقرار رکھا ہوا ہے۔
کلب نے اس جوڑی کو دلچسپ انداز میں سوشل میڈیا پر دکھاتے ہوئے لکھا:
“056 x 56 🔥 بابر پہنیں 056، اور اسٹارک پہنیں 56 بی بی ایل|15 میں۔”
فینز کو بابر کی بی بی ایل میں کارکردگی دیکھنے کا انتظار ہے، اور منفرد جرسی انہیں اس سیزن میں خاص شناخت دیتی نظر آئے گی
