بین الاقوامی میڈیا رپورٹس کے مطابق امریکی صدر کی خصوصی خواہش پر مشہور ایکشن اسٹار جیکی چن ایک بار پھر بڑے پردے پر ایکشن کرتے نظر آئیں گے۔ امریکی صدر نے حال ہی میں جیکی چن کے فن، اُن کی محنت اور دنیا بھر میں ان کی مقبولیت کو سراہتے ہوئے ان کی واپسی کی خواہش کا اظہار کیا تھا۔
ذرائع کا کہنا ہے کہ جیکی چن نے مثبت ردعمل دیتے ہوئے مختلف ایکشن اسکرپٹس کا جائزہ لینا بھی شروع کر دیا ہے۔ اگرچہ منصوبے کی تفصیلات سامنے نہیں آئیں، لیکن امکان ظاہر کیا جا رہا ہے کہ یہ ایک بڑی بین الاقوامی پروڈکشن ہو سکتی ہے جس میں چن کا مشہور مارشل آرٹس اسٹائل مرکزی حصہ ہوگا۔
دنیا بھر میں موجود جیکی چن کے مداح اس خبر پر خوشی کا اظہار کر رہے ہیں اور ان کی واپسی کا بےچینی سے انتظار کر رہے ہیں۔ توقع ہے کہ جیکی چن جلد اپنے نئے منصوبے کا باضابطہ اعلان کریں گے۔
