راولپنڈی میں سیلون مالک کے خلاف ملازمہ پر تشدد اور زیادتی کے الزام میں مقدمہ درج کر لیا گیا، پولیس نے تفتیش شروع کر دی ہے۔
پولیس کے مطابق یہ واقعہ تھانہ صدر واہ کینٹ کی حدود کوہستان انکلیو میں پیش آیا، جہاں ایک سیلون مالک نے مبینہ طور پر اپنی ملازمہ کو تشدد کا نشانہ بنانے کے بعد زبردستی زیادتی کی۔
متاثرہ خاتون نے اپنے بیان میں بتایا کہ واقعے کے وقت سیلون میں موجود دیگر ملازمین کو مختلف بہانوں سے باہر بھجوا دیا گیا، جس کے بعد ملزم نے اسے کمرے میں بلا کر مبینہ طور پر تشدد اور زیادتی کا نشانہ بنایا۔ خاتون کے مطابق ملزم نے بعد ازاں سنگین نتائج کی دھمکیاں بھی دیں۔
پولیس کا کہنا ہے کہ مقدمہ درج کر کے واقعے کی مکمل تفتیش شروع کر دی گئی ہے جبکہ ملزم کی گرفتاری کے لیے چھاپے مارے جا رہے ہیں
