راولپنڈی: کہوٹہ پولیس نے کارروائی کرتے ہوئے تہرے قتل کے مقدمے میں نامزد مرکزی ملزم کو گرفتار کرلیا۔
پولیس کے مطابق گرفتار شخص نے دو ہفتے قبل سابقہ رنجش پر اپنے ساتھیوں کے ہمراہ فائرنگ کرکے تین شہریوں کو قتل اور ایک کو زخمی کردیا تھا۔ واردات کے بعد ملزم موقع سے فرار ہو گیا تھا۔
پولیس نے ٹیکنیکل اور ہیومن انٹیلیجنس کی مدد سے ملزم کو گرفتار کیا، جبکہ دیگر ساتھیوں کی گرفتاری کے لیے چھاپے مارے جا رہے ہیں۔
ایس پی صدر محمد نبیل کھوکھر کے مطابق گرفتار ملزم کے خلاف ٹھوس شواہد کے ساتھ چالان عدالت میں پیش کیا جائے گا تاکہ متاثرہ خاندانوں کو انصاف فراہم کیا جا سکے۔
