پاکستانی یوٹیوبر عرفان جونیجو نے اسپین کے یادگار سفر پر مبنی اپنا نیا ولاگ ریلیز کر دیا ہے، جس میں انہوں نے ایف سی بارسلونا کے کھلاڑیوں سے ہونے والی ملاقاتیں مداحوں کے ساتھ شیئر کیں۔
ولاگ “I met FC Barcelona Players 🇪🇸 | LaLiga Collaboration + El Clasico Vlog” کے عنوان سے اپ لوڈ کیا گیا ہے، جس میں جونیجو نے ایل کلاسیکو میچ کا ماحول، اسٹیڈیم کی رونق اور لالیگا کی جانب سے ملنے والی خصوصی رسائی کو تفصیل سے دکھایا ہے۔
ویڈیو میں وہ بارسلونا کے کئی کھلاڑیوں سے مختصر ملاقاتیں بھی کرتے نظر آتے ہیں، جنہوں نے مداحوں میں خاصی دلچسپی پیدا کردی ہے۔
یہ موقع ایک اہم سنگِ میل بھی سمجھا جا رہا ہے کیونکہ بہت کم پاکستانی کریئیٹرز کو یورپی فٹبال کے بڑے ایونٹس میں ایسی خصوصی کوریج کا موقع ملا ہے۔ مداحوں نے اسے عرفان جونیجو کے بہترین ولاگز میں سے ایک قرار دیا ہے۔
ویڈیو تیزی سے مقبول ہو رہی ہے اور سوشل میڈیا پر اسے “خواب جیسا تجربہ” کہا جا رہا ہے۔
