پاکستانی گلوکار و اداکار علی ظفر نے ایک اور ثقافتی خراجِ تحسین کے گانے کا اعلان کر دیا ہے، جو اس عیدالاضحیٰ پر ریلیز ہونے جا رہا ہے۔ علی ظفر اس سے قبل بلوچی، سندھی، پشتو اور سرائیکی زبانوں میں گانے ریلیز کر چکے ہیں — اور اب مداحوں سے سوال کیا ہے:
"اب کی بار کون سی زبان، کون سا علاقہ اور کون سا فنکار؟”
علی ظفر نے انسٹاگرام پر پوسٹ کرتے ہوئے کہا:
"ہر گانا ایک رولر کوسٹر کی طرح رہا ایک جشن ہماری خوبصورت زمین، پاکستان کا۔ اب وقت ہے اگلے گانے کا!”
سوشل میڈیا پر صارفین اپنے اندازے لگا رہے ہیں کوئی پنجابی گانے کی امید کر رہا ہے، تو کوئی کشمیری یا گلگتی زبان میں خراج کا خواہشمند ہے۔
علی ظفر کے گانے ہمیشہ روایتی دھنوں اور جدید موسیقی کا حسین امتزاج ہوتے ہیں، جس کے باعث ہر ریلیز ایک وائرل سینسیشن بن جاتی ہے۔
یہ نیا گانا عیدالاضحیٰ کے آس پاس ریلیز ہونے کا امکان ہے، جب ملک بھر میں تہوار، ثقافت اور یکجہتی اپنے عروج پر ہوتے ہیں۔ یہ منصوبہ علی ظفر کے اس میوزیکل مشن کا تسلسل ہے، جس کا مقصد پاکستان کی زبانوں اور ثقافتوں کو عالمی سطح پر اجاگر کرنا ہے۔
