لاہور ایک بار پھر دنیا کا آلودہ ترین شہر بن گیا ہے، جہاں ایئر کوالٹی انڈیکس (AQI) 274 ریکارڈ کیا گیا جو “انتہائی غیر صحت مند” درجہ میں شمار ہوتا ہے۔ شہر کے کئی علاقے شدید دھند اور اسموگ کی لپیٹ میں ہیں، جس سے شہریوں کو سانس لینے میں دشواری اور روزمرہ زندگی متاثر ہو رہی ہے۔ ماحولیاتی ماہرین نے حکومت سے فوری اقدامات کا مطالبہ کیا ہے تاکہ فیکٹریوں اور گاڑیوں سے نکلنے والے دھوئیں کو کنٹرول کیا جا سکے، جبکہ شہریوں نے بڑھتی ہوئی آلودگی سے صحت کے مسائل پر شدید تشویش کا اظہار کیا ہے۔
