لاہور: کوٹ لکھپت کے علاقے میں وراثتی جائیداد کے تنازع پر بھتیجے نے فائرنگ کر کے اپنے چچا کو قتل کر دیا۔
پولیس کے مطابق مقتول محمد سلیم (عمر 53 سال) کا اپنے بھتیجے کے ساتھ جائیداد کا تنازع چل رہا تھا۔ تلخ کلامی کے دوران ملزم نے فائرنگ کی اور موقع سے فرار ہو گیا۔
واقعے کے بعد پولیس نے مقتول کی لاش قانونی کارروائی کے لیے جناح اسپتال منتقل کر دی۔
دریں اثنا تھانہ کوٹ لکھپت کے ایس ایچ او نے ٹیم کے ہمراہ کارروائی کرتے ہوئے واقعے میں ملوث دو ملزمان کو گرفتار کر لیا ہے، جبکہ دیگر دو ملزمان کی گرفتاری کے لیے چھاپے مارے جا رہے ہیں۔
اے ایس پی ماڈل ٹاؤن کشمالہ فاروق کے مطابق مقتول اور ملزمان کے درمیان وراثتی جائیداد کا تنازع تھا۔ گرفتار ملزمان میں سعید اور عثمان شامل ہیں، جن کے خلاف مقدمہ درج کر کے مزید تفتیش شروع کر دی گئی ہے۔
