پاکستانی ڈرامہ میری زندگی ہے تو شدید تنقید کی زد میں آ گیا ہے، جہاں سوشل میڈیا صارفین نے حالیہ اقساط پر سخت ردِعمل دیتے ہوئے اسے “پیور ٹریش” قرار دیا ہے۔ اتوار کی رات مختلف کلپس وائرل ہونے کے بعد ناظرین نے کہانی کو کمزور، اداکاری کو مبالغہ آمیز اور موضوعات کو بار بار دہرایا ہوا قرار دیا۔
مداحوں نے یہ سوال بھی اٹھایا کہ پروڈکشن ٹیم جذباتی شور شرابے کے بجائے مضبوط کہانی اور کرداروں کی گہرائی پر کیوں توجہ نہیں دے رہی۔ کچھ صارفین نے مطالبہ کیا کہ ڈرامے کی ٹیم ناظرین کی توقعات کا خیال رکھتے ہوئے فوری بہتری لائے۔
تنقید کے باوجود پروڈکشن ٹیم نے تاحال کوئی بیان یا وضاحت جاری نہیں کی۔
