انطالیہ: وزیراعظم پاکستان شہباز شریف 10 سے 12 نومبر تک ترکیہ کے تین روزہ دورے پر ہیں، جہاں وہ اقوام متحدہ کی موسمیاتی تبدیلی کانفرنس (COP31) کے عالمی رہنماؤں کے سربراہی اجلاس میں شرکت کریں گے۔
وزیراعظم شہباز شریف 11 نومبر کو اجلاس سے خطاب کریں گے، جس میں وہ موسمیاتی تبدیلی کے اثرات سے نمٹنے کے لیے پاکستان کی کوششوں، شمسی توانائی کے فروغ، قابلِ تجدید توانائی اور قدرتی آفات سے نمٹنے کی تیاریوں پر روشنی ڈالیں گے۔
وزیراعظم عالمی برادری پر زور دیں گے کہ ترقی پذیر ممالک کو موسمیاتی تبدیلی کے چیلنجز سے نمٹنے کے لیے مناسب اور قابلِ رسائی مالی معاونت فراہم کی جائے۔
دورے کے دوران وزیراعظم شہباز شریف کی ترک قیادت اور دیگر عالمی رہنماؤں سے دوطرفہ ملاقاتیں بھی متوقع ہیں، جن میں باہمی دلچسپی کے امور، علاقائی صورتحال اور عالمی تعاون پر تبادلہ خیال کیا جائے گا۔
پاکستان کی COP31 میں شرکت موسمیاتی تبدیلی کے خلاف عالمی کوششوں اور بین الاقوامی تعاون کے عزم کی عکاسی کرتی ہے
