لاہور – پاکستان مسلم لیگ (ن) نے سینیئر رہنما اور وزیراعظم کے مشیر برائے بین الصوبائی رابطہ رانا ثناء اللہ کو پنجاب سے سینیٹ کے ضمنی انتخاب کے لیے نامزد کردیا ہے۔
صوبائی وزیر اطلاعات مریم اورنگزیب نے بتایا کہ پارٹی قائد نواز شریف نے رانا ثناء اللہ کو سینیٹ کی جنرل نشست کا ٹکٹ جاری کیا ہے۔ یہ نشست پی ٹی آئی کے اعجاز چوہدری کی نااہلی کے باعث خالی ہوئی تھی۔
الیکشن کمیشن کے مطابق پنجاب سے سینیٹ کی یہ ضمنی نشست کا انتخاب 9 ستمبر کو ہوگا۔ اعجاز چوہدری کو جولائی میں دہشتگردی کی عدالت نے 9 مئی کے پرتشدد واقعات کے کیس میں 10 سال قید کی سزا سنائی تھی۔
