کراچی: ایف آئی اے نے کراچی میں جعلی دستاویزات کے ذریعے پاکستانی قومی شناختی کارڈ حاصل کرنے والے بنگلہ دیشی شہری کو گرفتار کر لیا۔
ایف آئی اے کے ترجمان کے مطابق اینٹی ہیومن ٹریفکنگ سرکل کراچی کی کارروائی کے دوران ملزم فضل الحق کو گرفتار کیا گیا، جو غیر قانونی طور پر پاکستان میں مقیم تھا اور جعلی دستاویزات کے ذریعے قومی شناختی کارڈ حاصل کر چکا تھا۔
حکام کے مطابق ملزم کا جاری کردہ شناختی کارڈ بلاک کر دیا گیا ہے، اور ملزم کو مزید قانونی کارروائی اور تفتیش کے لیے حراست میں لے لیا گیا ہے۔
