کراچی: فیڈرل بی ایریا بلاک 16 میں الائیڈ بینک کے قریب شہری نے فائرنگ کر کے ڈاکو کو شدید زخمی کر دیا۔
چھیپا ذرائع کے مطابق زخمی ڈاکو کی شناخت 28 سالہ محمد ساجد ولد محمد دین کے نام سے ہوئی ہے۔
شدید زخمی ڈاکو کو چھیپا ایمبولینس کے ذریعے فوری طور پر عباسی شہید اسپتال منتقل کیا گیا، جہاں اس کی حالت تشویشناک بتائی جا رہی ہے۔ پولیس نے واقعے کی تحقیقات کا آغاز کر دیا ہے تاکہ واردات کے محرکات کا تعین کیا جا سکے۔
