کراچی (رپورٹ میڈیا ہائیڈ ) — کیماڑی ٹاؤن کے علاقے میں سوات ہوٹل کے سامنے نادرن بائی پاس پر ایک گاڑی سے آلائشیں گرنے کا واقعہ پیش آیا، جو کسی بھی وقت سنگین حادثے کا سبب بن سکتی ہیں۔ مقامی افراد نے خدشہ ظاہر کیا ہے کہ سڑک پر پڑی آلائشیں نہ صرف ٹریفک میں خلل ڈال رہی ہیں بلکہ صحت عامہ کے لیے بھی خطرناک ثابت ہو سکتی ہیں۔
موقع پر ٹریفک پولیس کی نفری موجود ہے، تاہم صفائی یا آلائشوں کے فوری طور پر ہٹانے کے لیے بلدیاتی اداروں کی کوئی کارروائی نظر نہیں آ رہی۔ شہریوں نے فوری اقدامات کا مطالبہ کرتے ہوئے کہا ہے کہ اگر بروقت صفائی نہ کی گئی تو یہ نہ صرف حادثات کا باعث بن سکتی ہیں بلکہ تعفن اور بیماریوں کے پھیلاؤ کا بھی خطرہ ہے۔
علاقہ مکینوں کا کہنا ہے کہ عید کے بعد کی صورت حال سے نمٹنے کے لیے مقامی حکومت نے کوئی پیشگی انتظامات نہیں کیے، جس سے عوام میں شدید تشویش پائی جاتی ہے۔
