شارجہ میں کام کرنے والے ایک بنگلہ دیشی ٹیکسی ڈرائیور کی قسمت چمک اُٹھی، جب وہ ابو ظہبی کے "بگ ٹکٹ” ستمبر ڈرا میں 2 کروڑ درہم کا انعام جیتنے والے خوش نصیب قرار پائے۔
خوش قسمت شخص ہارون سرڈر نور نبی سرڈر نے یہ ٹکٹ اپنے 10 دوستوں کے ساتھ مل کر خریدا تھا اور اب وہ انعامی رقم ان سب کے ساتھ برابر بانٹنے کا ارادہ رکھتے ہیں۔
ہارون 2009 سے متحدہ عرب امارات میں مقیم ہیں اور کئی سالوں سے باقاعدگی سے ٹکٹ خرید رہے تھے، اس اُمید کے ساتھ کہ ایک دن قسمت اُن پر مہربان ہوگی اور آخرکار وہ دن آ ہی گیا۔
ڈرا میں دیگر شرکا نے بھی نقد انعامات اور ایک لگژری کار جیتی، جبکہ منتظمین نے اعلان کیا کہ اگلا "بگ ٹکٹ” ڈرا 2 کروڑ 50 لاکھ درہم اور سونے کی سلاخوں کے انعامات کے ساتھ ہوگا۔
یہ خبر خلیجی ممالک میں تیزی سے وائرل ہو رہی ہے، جو ثابت کرتی ہے کہ صبر، امید اور اجتماعی کوششیں کبھی نہ کبھی ضرور رنگ لاتی ہیں۔
