کوئٹہ – لیویز فورس نے بلوچستان کے ضلع وڈھ میں منشیات اسمگلنگ کی کوشش ناکام بناتے ہوئے ایک ملزم کو گرفتار کرلیا اور 10 کلوگرام چرس برآمد کرلی۔ ضلعی انتظامیہ کے مطابق کارروائی گاسلیٹی چیک پوسٹ پر مشتبہ گاڑی کی تلاشی کے دوران کی گئی، جس میں پلاسٹک کی تھیلیوں میں پیک منشیات برآمد ہوئیں۔
گرفتار ملزم کی شناخت رحمت اللہ کے نام سے ہوئی ہے جو مقامی رہائشی ہے۔ ابتدائی تفتیش میں ملزم نے منشیات اسمگلنگ کے ایک نیٹ ورک سے وابستگی کا اعتراف کیا اور بتایا کہ یہ منشیات افغانستان سے بلوچستان کے اندرونی علاقوں اور کوئٹہ کے بازاروں میں سپلائی کی جاتی ہیں۔
انتظامیہ کے مطابق ملزم کے خلاف انسدادِ منشیات ایکٹ 1997 کے تحت مقدمہ درج کرکے مزید تحقیقات شروع کردی گئی ہیں تاکہ نیٹ ورک کے دیگر ارکان کو بھی گرفتار کیا جا سکے۔
