اداکارہ حرا مانی ایک بار پھر سوشل میڈیا صارفین کی تنقید کی زد میں آ گئی ہیں۔ حال ہی میں انھوں نے ساڑھی میں اپنی چند بولڈ تصاویر شیئر کیں جنہوں نے انٹرنیٹ پر خاصی ہلچل مچادی۔
جہاں کچھ مداحوں نے ان کے اسٹائل اور اعتماد کی تعریف کی، وہیں کئی صارفین نے ان کے لباس کو “غیر مناسب” اور “حد سے زیادہ بولڈ” قرار دیا۔ ایک صارف نے لکھا، “بیٹے بڑے ہو رہے ہیں، تھوڑا خیال کریں کہ ماں کس طرح کی تصویریں پوسٹ کر رہی ہے۔” ایک اور نے طنز کیا، “یہی تو اس انڈسٹری کی ڈیمانڈ ہے جس کے یہ لوگ غلام ہیں۔”
کچھ نے انھیں مشورہ دیا کہ وہ سادگی اختیار کریں اور اپنی توجہ کام پر رکھیں نہ کہ شہرت کے لیے بولڈ انداز اپنائیں۔
یہ پہلی بار نہیں کہ حرا مانی کو اپنے فوٹو شوٹس پر تنقید کا سامنا کرنا پڑا ہو۔ اس سے قبل بھی وہ بارش میں ساڑھی پہنے ایک فوٹو شوٹ کے باعث خبروں میں رہ چکی ہیں۔ تاہم، حرا مانی عام طور پر ایسی تنقید کا جواب نہیں دیتیں اور اپنی مرضی سے وہی کرتی ہیں جو انھیں پسند ہو۔
