نومبر 1، 2025
ویب ڈیسک
ماحولیاتی ماہرین نے خبردار کیا ہے کہ “سُتھرا پنجاب” مہم کے دوران لاہور میں استعمال ہونے والی ڈیزل گاڑیاں فضائی آلودگی میں اضافے کا سبب بن سکتی ہیں۔
شہری پالیسی تجزیہ کار خاور نے کہا کہ حکومت کو نئی گاڑیاں شامل کرنے کے بجائے موجودہ بیڑے کو ماحول دوست بنانا چاہیے۔ ماہرِ ماحولیات مریم شاہ کے مطابق زیرو ایمیشن گاڑیاں بہترین حل ہیں، مگر موجودہ حالات میں عملی متبادل پر توجہ دینا ضروری ہے۔
ڈاکٹر سعدیہ خالد نے تجویز دی کہ تنگ گلیوں میں پیٹرول رکشوں کی جگہ الیکٹرک یا پیڈل گاڑیاں استعمال کی جائیں تاکہ اخراج میں کمی لائی جا سکے۔
محکمہ ماحولیات کے ڈپٹی ڈائریکٹر علی اعجاز نے بتایا کہ اب تک 2 لاکھ 60 ہزار گاڑیوں کا اخراجی معائنہ کیا گیا ہے اور 20 اکتوبر سے دھواں چھوڑنے والی گاڑیوں کے خلاف کارروائی جاری ہے۔
