پشاور — اسلام آباد کچہری میں خودکش دھماکے کے بعد خیبرپختونخوا بھر میں سیکیورٹی ہائی الرٹ کر دی گئی ہے۔ پولیس اور قانون نافذ کرنے والے اداروں نے گشت میں اضافہ کر دیا ہے، خصوصاً سرکاری عمارتوں، عدالتوں اور حساس مقامات کے اطراف میں اضافی نفری تعینات کر دی گئی ہے۔
سرکاری ذرائع کے مطابق تمام اضلاع کے پولیس افسران کو الرٹ رہنے اور عوامی مقامات، داخلی راستوں اور عدالتی احاطوں میں سیکیورٹی سخت کرنے کی ہدایت جاری کر دی گئی ہے۔
پشاور، مردان، سوات اور ڈیرہ اسماعیل خان سمیت مختلف شہروں میں خصوصی سیکیورٹی یونٹس تعینات کیے گئے ہیں تاکہ کسی بھی ناخوشگوار واقعے سے بچا جا سکے۔
حکام کا کہنا ہے کہ سیکیورٹی الرٹ ایک احتیاطی اقدام ہے تاکہ ممکنہ حملوں یا تخریب کاری کے خطرات سے نمٹا جا سکے۔
