پنجاب حکومت نے صوبے بھر کے تمام سرکاری اسکولوں میں پنجابی زبان، ادب اور شائستہ گفتگو کو فروغ دینے کا فیصلہ کیا ہے۔
محکمہ تعلیم نے ہدایت کی ہے کہ طلبہ کو مؤدبانہ الفاظ جیسے “تُسی” اور “اَسّی” کے استعمال کی تربیت دی جائے اور غیر شائستہ زبان سے گریز کیا جائے۔
منصوبے میں جنوبی پنجاب میں سرائیکی اور شمالی پنجاب میں پوٹھوہاری زبان کے فروغ پر بھی زور دیا گیا ہے۔
ہیڈ ٹیچرز کو ہدایت کی گئی ہے کہ مقامی زبانوں میں سرگرمیاں کروائیں، طلبہ کی گفتگو کی ویڈیوز بنائیں اور انہیں سرکاری سی ای او گروپس میں شیئر کریں۔
اس کے ساتھ اسکول سربراہان کو عمل درآمد کی رپورٹ بھی جمع کروانی ہوگی تاکہ منصوبے کی نگرانی یقینی بنائی جا سکے۔
