برادر اسلامی ملک ترکیہ نے پاکستان میں ایک فیکٹری قائم کرنے کی تیاری مکمل کر لی ہے، جس میں جدید جنگی ڈرون تیار اور اسمبل کیے جائیں گے۔
منصوبے کے تحت ترکی میں تیار ہونے والے جدید اسٹیلتھ اور طویل پرواز کی صلاحیت رکھنے والے ڈرونز کے پرزے پاکستان منتقل کیے جائیں گے، جہاں ان کی اسمبلی، مرمت اور ضروری اپ گریڈنگ کی جائے گی۔ اس فیکٹری میں مرمت (MRO) کی سہولت بھی فراہم کی جائے گی، اور ممکن ہے کہ اسے خطے کے لیے ڈرون ایکسپورٹ ہب کے طور پر بھی استعمال کیا جائے۔
پاک دفاعی ماہرین کے مطابق یہ اقدام پاکستان کی دفاعی صلاحیت کو مضبوط بنانے، بیرونی انحصار کم کرنے اور ہوابازی اور دفاعی صنعت میں اعلیٰ مہارت کے حامل روزگار فراہم کرنے میں اہم ثابت ہو گا۔ اس پیش رفت کو دونوں ممالک کے درمیان طویل مدتی اسٹریٹجک شراکت میں ایک اہم سنگِ میل قرار دیا جا رہا ہے۔
