دبئی: ACC مینز انڈر 19 ایشیا کپ 2025 میں پاکستان نے دبئی کے دی سیونز اسٹیڈیم میں ملیشیا کو 297 رنز کے بڑے مارجن سے شکست دے دی۔
ملیشیا کے کپتان ڈیاز پیٹرو کے ٹاس جیت کر فیلڈنگ کے فیصلے کو پاکستان کے بیٹرز نے بُری طرح غلط ثابت کر دیا، اور گرین شرٹس نے 345-3 کا پہاڑ جیسا اسکور کھڑا کر دیا۔
ابتدا میں پاکستان مشکلات کا شکار رہا۔ عثمان خان صرف 1 رن بنا کر ایل بی ڈبلیو ہو گئے، جب کہ علی حسن بلوچ بھی 14 پر آؤٹ ہوگئے، اور پاکستان کا اسکور 30-2 تھا۔
اسی موقع پر سمیر منہاس اور احمد حسین نے شاندار بیٹنگ کرتے ہوئے 293 رنز کی تباہ کن پارٹنرشپ جوڑی، جس نے میچ کا نقشہ یکسر بدل دیا۔ دونوں نے بغیر کسی دباؤ کے ہر باؤلر کو نشانہ بنایا اور پاکستان کو میچ پر مکمل کنٹرول دلایا۔
ہدف کے تعاقب میں ملیشیا کی ٹیم مکمل طور پر بکھر گئی اور پاکستان نے میچ ایک طرفہ انداز میں جیت لیا۔
