راولپنڈی میں حالیہ پولیس مقابلے میں ہلاک ہونے والے چار ڈاکوؤں کی ایک واردات کی سی سی ٹی وی فوٹیج منظر عام پر آ گئی ہے۔
پولیس ذرائع کے مطابق فوٹیج میں ملزمان کو ایک تاجر پر فائرنگ کرتے دیکھا جا سکتا ہے، جس کے نتیجے میں تاجر موقع پر جاں بحق ہو گیا۔ فائرنگ کے بعد ملزمان موٹر سائیکلوں پر فرار ہوتے دکھائی دیتے ہیں۔
پولیس کا کہنا ہے کہ سی سی ٹی وی فوٹیج میں نظر آنے والے ملزمان اسی گینگ کا حصہ تھے جو حالیہ پولیس مقابلے میں مارے گئے۔ فوٹیج کو شواہد کے طور پر حاصل کر کے مزید تفتیش کا حصہ بنا لیا گیا ہے۔
حکام کے مطابق ویڈیو فوٹیج سے ملزمان کے جرم میں ملوث ہونے کی تصدیق ہوتی ہے، جس سے پولیس کارروائی کو مزید تقویت ملی ہے۔
