اقوامِ متحدہ — پاکستان اور چین نے اقوامِ متحدہ کی سلامتی کونسل (UNSC) میں ایک مشترکہ اجلاس کا انعقاد کیا جس میں اہم بین الاقوامی قراردادوں پر مؤثر عملدرآمد کو یقینی بنانے کے لیے اقدامات پر تبادلہ خیال کیا گیا۔
اجلاس کے دوران نمائندوں نے بین الاقوامی قوانین کی پاسداری، مذاکرات کے فروغ اور سلامتی کونسل کے فیصلوں پر عملدرآمد کی اہمیت پر زور دیا۔ دونوں ممالک نے علاقائی اور عالمی چیلنجز سے نمٹنے کے لیے رکن ممالک کے درمیان مزید تعاون کی ضرورت پر بھی زور دیا۔
اجلاس میں عالمی امن و سلامتی کے قیام میں اقوامِ متحدہ کے کردار کو اجاگر کیا گیا، جبکہ شرکاء نے اس بات پر زور دیا کہ دیرپا استحکام اور تنازعات کے حل کے لیے قراردادوں پر مؤثر عملدرآمد ناگزیر ہے۔
