ہائر ایجوکیشن کمیشن (ایچ ای سی) پاکستان نے طلبہ اور والدین کو ہدایت کی ہے کہ کسی بھی یونیورسٹی یا اس کے کیمپس میں داخلہ لینے سے پہلے اس کی سرکاری حیثیت اور منظوری کی تصدیق ضرور کریں۔
ایچ ای سی نے طلبہ کو مشورہ دیا ہے کہ وہ جاری کردہ ہدایات میں موجود کیو آر کوڈز اسکین کرکے معلوم کریں کہ متعلقہ تعلیمی ادارہ کمیشن سے منظور شدہ ہے یا نہیں۔
کمیشن کے مطابق طلبہ کو داخلے کے لیے درخواست دینے سے پہلے یونیورسٹی، ڈگری جاری کرنے والے ادارے اور اس کے متعلقہ کیمپس کی حیثیت اچھی طرح چیک کرنی چاہیے۔
ایچ ای سی نے خبردار کیا ہے کہ غیر منظور شدہ تعلیمی اداروں یا کیمپسز سے حاصل کی گئی ڈگریوں کو کمیشن کی جانب سے تسلیم نہیں کیا جائے گا۔
طلبہ کو ہدایت کی گئی ہے کہ وہ ایچ ای سی کی سرکاری ویب سائٹ پر منظور شدہ یونیورسٹیوں، تسلیم شدہ کیمپسز، غیر ملکی تعلیمی اداروں اور غیر قانونی یا جعلی اداروں کی فہرستیں ضرور دیکھیں۔
اس اقدام کا مقصد طلبہ کو جعلی تعلیمی اداروں سے محفوظ رکھنا اور ان کے قیمتی وقت اور پیسے کو ضائع ہونے سے بچانا ہے۔
ایچ ای سی نے والدین اور طلبہ پر زور دیا ہے کہ کسی بھی تعلیمی ادارے میں داخلہ لینے سے پہلے اس کی منظوری کی تصدیق ضرور کریں۔
