ماہرین کے مطابق سپرفوڈز وٹامنز، منرلز، فائبر اور اینٹی آکسیڈنٹس سے بھرپور ہوتے ہیں جو صحت کو بہتر بناتے اور بیماریوں سے بچاتے ہیں۔ یہ وزن کم کرنے اور بے وقت بھوک پر قابو پانے میں بھی مددگار ہیں۔
بیریز (اسٹرابیری، راسپبیری، بلیوبیری) فائبر کے ذریعے ہاضمہ درست رکھتی ہیں اور بلڈ شوگر کو متوازن کرتی ہیں۔ گرین ٹی میٹابولزم تیز کر کے چربی گھلاتی ہے۔
بروکلی کم کیلوریز اور زیادہ فائبر کی وجہ سے طویل وقت تک بھوک نہیں لگنے دیتی۔
سالمن مچھلی اومیگا 3 اور پروٹین کے ذریعے وزن گھٹانے میں مؤثر ہے۔ جبکہ چیا سیڈز فائبر اور صحت مند چکنائیوں کے ساتھ زیادہ کھانے سے بچاتے ہیں۔
