لاہور – جوہر ٹاؤن پولیس نے کامیاب کارروائی کرتے ہوئے ایشیا کپ فائنل پاک-بھارت میچ پر آن لائن جوا کرانے والے تین ملزمان کو گرفتار کرلیا۔ گرفتار ہونے والوں کی شناخت عمران، عماد اور اسلام کے ناموں سے ہوئی۔
پولیس کے مطابق ملزمان کے قبضے سے دو لیپ ٹاپ، تین موبائل فونز اور ایک لاکھ روپے سے زائد نقدی برآمد کی گئی۔ ابتدائی تفتیش میں انکشاف ہوا ہے کہ ملزمان بین الاقوامی کرکٹ ٹورنامنٹس بشمول ورلڈ کپ پر بھی جوا کراتے تھے اور اس مقصد کے لیے موبائل ایپس استعمال کرتے تھے۔
ایس پی صدر رانا حسین طاہر کے مطابق ملزمان کے خلاف مقدمات درج کرلیے گئے ہیں جبکہ مزید تحقیقات جاری ہیں۔
