قاہرہ: پاکستان کے نائب وزیراعظم اور وزیر خارجہ Ishaq Dar نے کہا ہے کہ سوئٹزرلینڈ میں ہونے والے امریکہ اور ایران کے درمیان مذاکرات اگر اسرائیل اور لبنان کے درمیان کشیدگی اور حملے نہ ہوتے تو اس سے کہیں پہلے شروع ہو سکتے تھے۔
میڈیا سے گفتگو کرتے ہوئے اسحاق ڈار نے کہا کہ واشنگٹن اور تہران کے درمیان مذاکرات کے لیے سفارتی کوششیں کافی عرصے سے جاری تھیں، تاہم خطے میں بڑھتی ہوئی کشیدگی نے اس عمل کو متاثر کیا اور بات چیت میں تاخیر کا باعث بنی۔
انہوں نے کہا کہ سوئٹزرلینڈ میں مذاکرات کا آغاز اس بات کا ثبوت ہے کہ سفارت کاری ہی تنازعات کے حل اور خطے میں امن کے قیام کا مؤثر ذریعہ ہے۔ انہوں نے امید ظاہر کی کہ دونوں ممالک کے درمیان جاری مذاکرات خطے میں استحکام اور امن کو فروغ دیں گے۔
اسحاق ڈار نے مذاکرات میں ثالثی کردار ادا کرنے والے ممالک اور شراکت داروں کی کوششوں کو بھی سراہا اور کہا کہ خطے کے مسائل کا حل مکالمے اور تعاون میں ہے۔
