سرویکل کینسر ویکسینیشن مہم کے خلاف جاری منفی پروپیگنڈا ختم کرنے کیلئے سیاسی، مذہبی پارٹیز کو سرویکل کینسر مہم پر اعتماد میں لینے کا فیصلہ کیا گیا ہے۔
تفصیلات کے مطابق ذرائع سرویکل کینسر ویکسینیشن مہم کے خلاف جاری منفی پروپگنڈہ کو ختم کر کنے کیلئے وزارت صحت جلد سیاسی اور مذہبی جماعتوں سے رابطے کرے گی۔
ذرائع کا کہنا ہے کہ سیاسی و مذہبی جماعتوں کو ایچ پی وی ویکسین کے بارے میں قائل کیا جائے گا، سیاسی، مذہبی پارٹیز سے ایچ پی وی مہم حمایت کی اپیل کی جائے گی اور مذہبی، سیاسی پارٹیز سے ایچ پی وی مہم کے حق میں بیانات اجرا کی اپیل ہو گی۔
ذرائع وزارت صحت کا کہنا ہے کہ حکومتی وفد مختلف مکاتب فکر کے علمائے کرام سے ملاقاتیں کریں گے، سیاسی، مذہبی شخصیات سے کینسر ویکیسن بارے سوشل میڈیا پر ویڈیو پیغامات اجرا کی اپیل ہو گی، وزارت صحت خواتین پارلیمنٹیرینز کو ایچ پی وی ویکسین پر بریفنگ دے چکی ہے۔
واضح رہے کہ پاکستان کی فیڈرل ڈائریکٹوریٹ آف امیونائزیشن کے عالمی ادارہ صحت کے ساتھ خواتین میں رحم کے دہانے کے کینسر (سرویکل کینسر) کا سبب بننے والے ہیومن پیپیلوما وائرس سے بچاؤ کے لیے ویکسینیشن مہم کا آغاز کر دیا ہے۔
ویکسین الائنس گیوی اور اقوام متحدہ کے فنڈ برائے اطفال (یونیسف) کے اشتراک سے شروع کی گئی مہم کے پہلے مرحلے میں پنجاب، سندھ، پاکستان کے زیر انتظام کشمیر اور اسلام آباد میں نو سے 14 سال کی بچیوں کو ویکسین لگائی جائے گی۔
15 سے 27 ستمبر تک جاری رہنے والی ویکسینیشن مہم میں عالمی ادارہ صحت کے تربیت یافتہ 49 ہزار سے زیادہ ہیلتھ ورکرز نے حصہ لیا ہے، یونیسف کے مطابق اس مہم کے ساتھ پاکستان اب ان 150 سے زیادہ ممالک میں شامل ہو گیا ہے جہاں عالمی ادارہ صحت سے منظور شدہ ویکسین حفاظتی ٹیکوں کے شیڈول میں شامل کی گئی ہے۔
