پاکستان سپر لیگ کی فرنچائز پشاور زلمی نے پاکستان کرکٹ بورڈ کے ساتھ اپنا معاہدہ مزید دس سال کے لیے تجدید کر لیا ہے، جس کے بعد ٹیم بدستور موجودہ اونرشپ کے تحت ہی لیگ کا حصہ رہے گی۔
پی سی بی کی جانب سے تمام فرنچائزز کی مارکیٹ ویلیو کا جائزہ لینے کے بعد زلمی اُن ٹیموں میں شامل رہی جنہوں نے سب سے پہلے اپنی رینیوول پروسیس مکمل کیا۔ اس تجدید کے ساتھ زلمی اور پی ایس ایل کا مضبوط رشتہ مزید ایک دہائی تک برقرار رہے گا۔
چیئرمین پی سی بی محسن نقشوی نے پشاور زلمی کے کردار کو سراہتے ہوئے کہا کہ فرنچائز نے لیگ کی برانڈ ویلیو بڑھانے، اس کو کمرشل طور پر مستحکم بنانے اور ملک بھر میں کرکٹ کلچر کو فروغ دینے میں نمایاں کردار ادا کیا ہے۔ انہوں نے مزید کہا کہ وہ خوش ہیں کہ جاوید آفریدی کی قیادت میں زلمی آگے بھی اپنی خدمات جاری رکھے گی۔
معاہدہ طے ہونے کے بعد پشاور زلمی آئندہ برسوں میں بھی پی ایس ایل کی ایک اہم اور بااثر فرنچائز کے طور پر اپنا سفر جاری رکھے گی۔
