جہلم (26 اگست 2025):
جہلم پولیس نے معروف مذہبی اسکالر اور یوٹیوبر انجینئر محمد علی مرزا کو مینٹیننس آف پبلک آرڈر (ایم پی او) کے سیکشن 3 کے تحت گرفتار کر لیا۔ یہ کارروائی ڈپٹی کمشنر جہلم کے حکم پر انجام دی گئی۔ ملزم کو گرفتار کرنے کے بعد پولیس نے انھیں 30 دن کے لیے جیل منتقل کر دیا، جبکہ ان کی اکیڈمی کو بند کر کے سیل کر دیا گیا ہے ۔
اطلاعات کے مطابق اس گرفتاری کی بنیاد متعدد مذہبی جماعتوں کی جانب سے دائر کی گئی درخواستیں اور علمائے کرام کے وفود کی ضلعی انتظامیہ سے ملاقاتیں تھیں، جنہوں نے مرزا کی گرفتاری کا مطالبہ کیا تھا ۔ انتظامیہ کا کہنا ہے کہ یہ اقدام امن و امان کی صورتحال برقرار رکھنے کے لیے ضروری قرار دیا گیا ۔
انجینیئر محمد علی مرزا کو یہ دوسری مرتبہ گرفتار کیا گیا ہے — پہلی بار مئی 2020 میں انہیں فرقہ وارانہ بیان کے مشتہر ہونے کے بعد گرفتار کیا گیا تھا، لیکن بعد ازاں عدالت نے دو دن بعد ضمانت پر رہا کر دیا تھا ۔
