بالی ووڈ کے سینئر اداکار انیل کپور کو سوشل میڈیا پر اس وقت تنقید کا سامنا کرنا پڑا جب انہوں نے پلیٹ فارم ’’ایکس‘‘ پر مسلمانوں کو ’’عید مبارک‘‘ کا پیغام دیا۔
اداکار کی جانب سے شیئر کیے گئے اس پیغام میں دعائیہ کلمات بھی شامل تھے، جو وائرل ہوگیا اور 18 لاکھ سے زائد بار دیکھا گیا۔
تاہم صارفین نے ان کے پیغام پر سوالات اٹھائے اور بعض نے مزاحیہ انداز میں کہا، ’’یہ کون سی عید ہے جو ہمیں بھی نہیں پتا؟‘‘ جبکہ کچھ نے جواباً انہیں ’’رمضان مبارک‘‘ لکھ بھیجا۔
رپورٹس کے مطابق، انیل کپور دراصل مسلمانوں کو 12 ربیع الاول یعنی عید میلاد النبی ﷺ کی مبارک باد دینا چاہتے تھے، لیکن صرف ’’عید‘‘ لکھنے کی وجہ سے الجھن پیدا ہوئی اور وہ ٹرولنگ کا شکار ہوگئے۔
اس کے باوجود، کئی صارفین نے ان کے خلوص کو سراہا اور تبصروں میں نرمی کے ساتھ ان کی تصحیح کی۔
