رحیم یار خان – بالاج قتل کیس کے مرکزی ملزم طیفی بٹ کی لاش کا پوسٹ مارٹم رحیم یار خان کے اسپتال میں کیا گیا، جس کے بعد لاش ورثا کے حوالے کر دی گئی۔
پولیس کے مطابق ورثا لاش کو لاہور کے علاقے گلبرگ نصیر آباد لے گئے ہیں۔ یاد رہے کہ طیفی بٹ جمعہ اور ہفتہ کی درمیانی شب تھانہ کوٹ سبزل صادق آباد کی حدود میں مبینہ پولیس مقابلے کے دوران ہلاک ہوا تھا۔
ذرائع کے مطابق طیفی بٹ کو دبئی سے کراچی لایا گیا تھا اور اسے لاہور منتقل کیا جا رہا تھا کہ اسی دوران اس کے ساتھیوں نے پولیس پر حملہ کر کے اسے چھڑا لیا۔ پولیس کے مطابق فائرنگ کے تبادلے کے دوران طیفی بٹ اپنے ہی ساتھیوں کی گولی سے جاں بحق ہوا۔
