اوکاڑہ: ڈسٹرکٹ اوکاڑہ میں کرکٹ میچ کے دوران تلخ کلامی کے بعد دوستوں نے اپنے ہی ساتھی عدنان کو کرکٹ بیٹ کے وار سے قتل کر دیا۔
پنجاب پولیس کے مطابق واقعہ کرکٹ میچ کے دوران پیش آیا جہاں عدنان نامی لڑکے کا اپنے دوستوں سے جھگڑا ہوا۔
پولیس کا کہنا ہے کہ میچ کے اختتام پر جب عدنان گھر واپس جا رہا تھا، تو راستے میں ملزمان نے اس پر کرکٹ بیٹ سے حملہ کر دیا۔
زخموں کی تاب نہ لاتے ہوئے عدنان موقع پر ہی دم توڑ گیا۔ پولیس نے موقع سے شواہد اکٹھے کیے اور واقعے میں ملوث تین ملزمان کو گرفتار کر لیا ہے۔
پنجاب پولیس نے فوری طور پر قتل کا مقدمہ درج کر لیا ہے، جبکہ واقعے کی مزید تفتیش جاری ہے۔
